-Батга амархан гардаг хүн өлөн хоосон явж ядарч сульдаж болохгүй.
-Энгэсэгнийхээ порлоныг байнга угааж, сольж эсвээс нэг удаагийн хөвөн бөмбөлгийг хэрэглэ.
-Нүүрээ байнга халуун усанд угаавал арьс суларч эрт хөгширдөг ба арьсны нүхжилт ихсэж барзайх шалтгаан үүддэг.
-Тослог арьстай хүмүүс нүүрээ сүүн шингэнээр цэвэрлэх, тэжээлийн тос түрхэх, крем тавьж болохгүй.
-Өөх тос, давс ихтэй, халуун ногоотой хоол хэрэглэх хориотой.
-Архи тамхи хэрэглэж, бэлгийн харьцааны дэг журамгүй амьдрал нь батгыг сэдрээн цаашлах гол хүчин зүйл болдог.
-Кофе, чихэр ихтэй гурилан бүтээгдэхүүн болон хүч тамир сэргээх бэлдмэл хэрэглэх хориотой.
-Урьд нь хэрэглэж заншаагүй гоо сайхны бүтээгдэхүүнээс татгалзаж сурах хэрэгтэй.
-Агааргүй халуун бүгчим орчин батгыг ихэсгэдэг. Иймээс ажлынхаа өрөө, тасалгааны салхивчийг онгойлгон, цэвэр агаарыг сэлбэж байгаарай.
-Өдөн дэр ноолууран хөнжил, хэрэглэх нь сөрөг нөлөөтэй.
-Хүний арьс амьсгалах, тос ялгаруулахад агших, сунах чадвартай, гуужин унаад нөхөн төлжигддөг чухал эрхтэн учир арьсны өвчнийг эдгээхгүй удах нь биеийн дархлааг сульдааж халдварт өвчнөөр өвчлөх үүдийг нээдэг.
-Батгатай хүн нэн түрүүнд гоо сайхны бараагаа өөртөө тохируулан зөв сонгох нь зүйтэй.
-Бактерийн эсрэг үйлчилгээтэй саванг байнга хэрэглэж болохгүй. Учир нь хүний биед зохих хэмжээний нян байх ёстой атал түүнийг оргүй устгаад байвал өөр өвчний нян арьсанд үржих боломжийг олдог муу талтай.
-Нүүрээ угаахдаа халуун биш хүйтэн усаар угаагаад дараа нь хүйтэн усаар булхаарай.
-Мөн мөсөөр арчих нь батганы нүхийг агшаахад сайн нөлөөтэй.
-Яаж ч арчлаад засал авдаггүй батгыг та улам үрэвсүүлж хүндрүүлэхгүйн тулд гэрийн арчилгаагаа түр орхиод юунаас үүдэлтэй болохыг нь мэргэжлийн хүнд хандаж оношлуулах шаардлагатай.
-Ажил амралтаа зөв төлөвлөж, хэт ядрахаас сэргийлж нойргүйдлээс аврагдвал батга танаас дайжих болно гэж зөвлөх байна.
24news.mn