Дөнгөж ажиллаж эхэлсэн маркетологичид хүртэл “секс худалдагддаг” гэсэн үгний үнэнийг сайн мэднэ. Энэ л гялбаа сэтгүүлүүдийн хавтас хагас нүцгэн, үзэсгэлэнтэй хүүхнүүдийн хөрөг зургаар дүүрэх шалтгаан болжээ. Хувцастай, хувцасгүй охид бүсгүйчүүд л дээд ангиллын автомашинаас эхлээд цэвэрлэгээний бодис хүртэл бүх рекламд оролцдог.
Suistudio брэндийн дизайнерууд иймэрхүү ялгаварлан гадуурхалтай ямар нэгэн аргаар тэмцэх хэрэгтэй гэж үзсэн бололтой. Тиймдээ ч сонирхолтой реклам бэлтгэн интернэтийг тэр чигт нь алмайруулж чадлаа. Тэд энгийн мөртлөө санаанд оромгүй зүйл хийж, эрэгтэйчүүд, эмэгтэйчүүдийн байрлалыг сольсон байв. Бүсгүйчүүд бизнесмений дүрийг гаргаж эрэгтэйчүүд нь кадрын чимэглэлийн нэг болсон байв.
Suistudio брэнд нь ажил хэрэгч эмэгтэйчүүдийн оффисийн хувцасаар мэргэжсэн байгаа. Энэ рекламын дараа сүлжээнд хоёр долоо хоногийн турш Not Dressing Men гэсэн хэллэг яригдаж байна. Компанийн захирал Кристина Баричелли шүүмжлэгч нар бишгүй л хариулт хийж тэдний довтолгоог няцааж байна. Гэтэл шинэ шийдэлд бишрэгчдийн тоо ч шүүмжлэгчдийнхээс дутсангүй. Нэг үгээр голландчууд рекламдаа олны анхаарлыг татах шиг л болж байна.
24news.mn