Цэцэрлэгийн хүүхдийг цахимаар бүртгэж эхлээд гурав хонож байна. Ирэх сарын 23 хүртэл 30 хоногийн хугацаатай явагдах цахим бүртгэлд өчигдрийн байдлаар 38740 хүүхэд бүртгүүлжээ. Тодруулбал, цэцэрлэгийн цахим бүртгэл эхэлсэн эхний өдөр 31354, хоёр дахь өдөр 7386 хүүхэд бүртгүүлээд байгаа юм.
Цахимаар хүүхдээ бүртгүүлж чадахгүй байгаа мөн интернэт ашиглах боломжгүй бол харьяа дүүрэгтээ хандах боломжтойг албаныхан сануулсан. Харьяа дүүргүүдэд туслах ажилтан ажиллаж, эцэг эхчүүдэд зөвлөгөө өгөн ажиллаж байна. Нийслэлийн хэмжээнд 2018-2019 оны хичээлийн жилд урьдчилсан байдлаар төрийн болон төрийн бус өмчийн 672 цэцэрлэг сургуулийн өмнөх насны 114225 хүүхэд хамрагдах төлөвтэй байгаа ажээ.
М.Тогтох
24news.mn