
2016 оноос хэрэгжиж эхэлсэн Замын хөдөлгөөний аюулгүй байдлын тухай хуулиар зөрчил гаргасан жолооч нарт тооцох хариуцлагыг нэмэгдүүлж, торгуулийн хэмжээг өндөрсгөсөн. Ингэснээр өдөрт гардаг зөрчлийн тоо буурсан талаар албаны эх сурвалж мэдээлсэн. Тэгвэл, тус хууль хэрэгжиж эхэлснээс хойш жолооч нар өдөрт дунджаар 40-50 сая төгрөгийн торгууль төлдөг болжээ.
Тодруулбал, Өнгөрсөн жил гэхэд л жолооч нар зөрчил гаргасны улмаас торгуулсан нийт дүн 12 тэрбум төгрөгт хүрсэн аж.
Дээрх торгуулийн хэмжээ нь замын хөдөлгөөнд оролцож буй жолооч нарын дүрэм мөрдөхгүй байгааг харуулж байна гэдгийг албаны хүмүүс онцолж байна. Учир нь жолооч нар зам дээр цагдаа байхгүй бол л дүрэм зөрчихөө урьтал болгодог. Гэтэл Улаанбаатар хотод замын хөдөлгөөн хянах, зөрчил бүртгэх 69 цэгт, 113 камер байдаг. Эдгээр камерийн бичлэгийг ашиглаж, зөрчил гаргасан жолооч нарт торгуулийн арга хэмжээ авч, хариуцлага тооцдог байна.
Эрхээ хасуулсан үедээ жолоо барьвал 192 мянган төгрөгөөр торгоно
26.1. Тээврийн хэрэгсэл жолоодох эрхгүй этгээд (жолоодлогын дадлага хийхээс бусад тохиолдолд), эсхүл тээврийн хэрэгсэл жолоодох эрхээ хасуулсан үед тээврийн хэрэгсэл жолоодсон бол хөдөлмөрийн хөлсний доод хэмжээтэй тэнцэх төгрөгөөр /192 мянган төгрөгөөр/ торгох шийтгэл хүлээлгэнэ.
26.2. Тээврийн хэрэгсэл жолоодох эрхгүй (жолоодлогын дадлага хийхээс бусад тохиолдолд) буюу эрхээ хасуулсан этгээдэд тээврийн хэрэгслийн жолоог шилжүүлсэн бол хөдөлмөрийн хөлсний доод хэмжээтэй тэнцэх төгрөгөөр /192 мянган төгрөгөөр/ торгох шийтгэл хүлээлгэнэ.
Согтуугаар тээврийн хэрэгсэл жолоодвол 384-768 мянган төгрөгөөр торгоно
27.1. Согтууруулах ундаа, мансууруулах бодис, сэтгэцэд нөлөөлөх эм, бэлдмэл хэрэглэсэн үедээ тээврийн хэрэгсэл жолоодсон, эсхүл согтууруулах ундаа, мансууруулах бодис, сэтгэцэд нөлөөлөх эм, бэлдмэл хэрэглэсэн эсэхийг зохих журмын дагуу шалгуулахаас зайлсхийсэн этгээд тээврийн хэрэгсэл жолоодсон бол хөдөлмөрийн хөлсний доод хэмжээг хоёр дахин нэмэгдүүлсэнтэй тэнцэх төгрөгөөр /384 мянган төгрөгөөр/ торгож, жолоодох эрхийг зургаан сараас хоёр жил хүртэл хугацаагаар хасах шийтгэл хүлээлгэнэ.
27.2. Согтууруулах ундаа, мансууруулах бодис, сэтгэцэд нөлөөлөх эм, бэлдмэл хэрэглэсэн этгээдэд тээврийн хэр